‘Isa ka Regalo nga Ginahatag kay Jehova’

Paano kita ‘makahatag sing regalo kay Jehova subong’? (1Cr 29:5, 9, 14) Ari ang sarisari nga paagi nga mapilian naton sa paghatag sing donasyon para suportahan ang hilikuton sang mga Saksi ni Jehova sa aton lugar kag sa bug-os nga kalibutan.

ANG MGA ONLINE DONATION UKON ANG MGA DONASYON NGA GINAHULOG SA MGA KAHON ALAMUTAN GINAGAMIT PARA SA:

• 

  BUG-OS KALIBUTAN NGA HILIKUTON

  pagpatindog kag pagpalakat sang mga pasilidad sang sanga kag mga remote translation office

  teokratiko nga mga eskwelahan

  pinasahi nga bug-os tion nga mga alagad

  pagbulig sa mga biktima sang kalamidad

  pag-imprinta, paghimo sing mga video, kag digital publishing

• 

  GASTO SANG LOKAL NGA KONGREGASYON

  gasto sang kongregasyon, pareho sa kuryente, tubig, kag pagmentinar sang Kingdom Hall

  mga resolusyon sang kongregasyon nga magpadala sing donasyon sa sanga talatapan para sa:

  • pagpatindog sing Kingdom Hall kag Assembly Hall sa bug-os nga kalibutan

  • Global Assistance Arrangement

  • iban pa nga hilikuton sa bug-os nga kalibutan

MGA KOMBENSION KAG MGA ASEMBLEYA

Ang mga donasyon sa inyo rehiyonal nga kombension ginapadala sa bug-os kalibutan nga hilikuton. Gani, ang mga ginabayad para sa rehiyonal, pinasahi, kag internasyonal nga mga kombension ginakuha sa sini nga mga donasyon.

Ang mga donasyon sa inyo sirkito ginagamit sa pag-arkila, pagpalakat, kag pagmentinar sang mga lugar para sa asembleya kag sa iban pa nga gasto sang sirkito. Ang sirkito mahimo magdesisyon nga iamot ang sobra nga pondo sa bug-os kalibutan nga hilikuton sang mga Saksi ni Jehova.