Paano Mo Handaan ang Memoryal?

Sugod subong nga tuig, mas malawig na ang aton tion sa paghanda para sa Memoryal sang kamatayon sang Cristo. Kon ang Memoryal matuon sa adlaw nga Lunes asta Biernes, wala na sing Pagkabuhi kag Pagministeryo nga Miting sa sina nga semana. Kon ang Memoryal matuon sa Sabado ukon Domingo, wala na sing pamulongpulong publiko kag Pagtinuon sa Lalantawan. Gamiton mo bala sing maalamon ang dugang nga tion sa imo iskedyul? Pareho sang unang siglo, may praktikal nga kahimusan nga ginahimo para sa sining pinasahi nga okasyon. (Lu 22:7-13; km 3/15 1) Pero dapat naton ihanda ang aton tagipusuon. Paano?

• Pamensara sing maayo kon ngaa importante ang pagtambong. —1Co 11:23-26

• Mangamuyo kag hunahunaa sing maayo ang imo kaangtanan kay Jehova.—1Co 11:27-29; 2Co 13:5

• Basaha kag pamalandungi ang mga topiko nga base sa Biblia nga nagabinagbinag sang kahulugan sang Memoryal.—Ju 3:16; 15:13

Ang iban nga manugbantala nagabasa kag nagapamalandong sang naiskedyul nga pagbasa sang Biblia sa tion sang Memoryal nga makita sa Pag-usisa sa Kasulatan Adlaw-adlaw. Ginabasa sang iban ang mga bersikulo sa Biblia nga makita sa tsart. Ginarepaso naman sang iban ang mga artikulo sa Lalantawan nga nagabinagbinag parte sa Memoryal kag sa gugma nga ginpakita ni Jehova kag ni Jesus sa aton. Ano man ang imo himuon nga paagi sa paghanda, kabay nga magapasuod ina sa imo kay Jehova kag sa iya Anak.