Padayon Ninyo nga Hunahunaa Ini nga mga Butang

Ano nga mga butang? Ang Filipos 4:8 nagasiling nga binagbinagon ang mga butang nga matuod, serioso, matarong, matinlo, hiligugmaon, dungganon, maayo, kag dalayawon. Siempre, indi man buot silingon sini nga pirme lang espirituwal nga mga butang ang hunahunaon sang mga Cristiano. Pero dapat ang aton mga ginahunahuna nagapahamuot kay Jehova. Indi kita dapat magpamensar sang mga butang nga makapaluya sa aton katutom sa iya.—Sa 19:14.

Indi mahapos nga likawan nga makapamensar sang indi maayo nga mga butang. Nagapakigbato kita indi lang sa aton indi perpekto nga lawas kundi kay Satanas man, ang “dios sini nga sistema sang mga butang.” (2Co 4:4) Sia ang nagakontrol sang media sini nga kalibutan, gani malain gid ang kalabanan nga mabatian sa radyo, makita naton sa TV, sa mga balasahon, kag sa Internet. Kon indi kita magpili sang ipasulod naton sa aton hunahuna, mangin mahigko ini, kag sa ulihi maapektuhan ang aton batasan.—San 1:14, 15.

TAN-AWA ANG VIDEO NGA LIKAWI ANG MGA MAKAPALUYA SA PAGKAMAINUNUNGON—INDI NAGAKAIGO NGA KALINGAWAN, DAYON SABTI ANG MASUNOD NGA MGA PAMANGKOT:

• 

  Ano ang ginatan-aw sang brother sa iya cellphone, kag ano ang epekto sini sa iya?

• 

  Paano ang Galacia 6:7, 8 kag Salmo 119:37 nakabulig sa iya?