Sin-o ang Akon Imbitahon?

Kada tuig, nagatinguha gid kita nga imbitahon ang mga tawo sa aton teritoryo nga mag-upod sa aton sa pagsaulog sang Memoryal. Kalabanan sa ila indi naton kilala. Siempre, dapat man naton imbitahon ang mga kilala naton. Sa masami, nagatambong ang mga tawo nga makabaton sang imbitasyon sa ila kilala. (yb08 11 ¶3; 14 ¶1) Sin-o ang puede mo imbitahon?

• Mga paryente

• Mga upod sa obra ukon kaeskwela

• Mga kaingod

• Mga ginabalikan nga interesado, kag mga ginatun-an sa Biblia subong kag sang una

Imbitahon man sang mga gulang ang mga indi aktibo. Ano abi kon ang kilala mo nagaistar sa iban nga lugar? Puede mo mabal-an ang oras kag lokasyon sang Memoryal sa ila lugar paagi sa pag-click sang tab nga PARTE SA AMON sa ibabaw nga bahin sang jw.org nga home page, dayon i-click ang “Memoryal.” Samtang ginapreparahan mo ini nga okasyon sini nga tuig, pamensara kon sin-o ang puede mo imbitahon, dayon imbitaha sila.