MGA BAHANDI SA PULONG SANG DIOS | GENESIS 32-33

Nagapakigdumog Ka Bala Para Mabaton ang Pagpakamaayo?

Para mabaton ang pagpakamaayo ni Jehova, dapat manikasog gid kita nga unahon sa aton kabuhi ang intereses sang Ginharian. (1Co 9:26, 27) Ginpakita sang tigulang na nga si Jacob kon ano dapat ang aton panimuot sa paghimo sang aton mga responsibilidad bilang mga Cristiano. Mapakita naton nga gusto gid naton mabaton ang pagpakamaayo ni Jehova kon . . .

Nagahanda kita sing maayo para sa mga miting sang kongregasyon
Nagapakigbahin kita sing regular sa ministeryo
Nagapanikasog kita nga buligan ang iban sa kongregasyon

Mga piktyur: Masako nga iloy. 1. Nagapangamuyo sia antes sugdan ang iya adlaw. 2. Ginapakaon niya ang iya bata nga babayi antes maggua sa ministeryo. 3. Malipayon sia nga nagabantala upod sa iya duha ka bata nga babayi kag mga kauturan sa ila kongregasyon.

Ano man kabudlay sang imo kahimtangan, padayon nga mangamuyo sang bulig ni Jehova kag pangabaya sia nga pakamaayuhon niya ang imo panikasog nga alagaron sia.

PAMANGKUTA ANG IMO KAUGALINGON, ‘Ano nga bahin sang akon kabuhi ang kinahanglan ko pa gid panikasugan para mabaton ang pagpakamaayo ni Jehova?’