Lab-uta ang Tagipusuon

Ang pagkamatinumanon sa Dios nagahalin sa tagipusuon. (Hul 3:1) Gani kon nagatudlo kita, dapat tinguhaan naton nga malab-ot ang tagipusuon sang aton mga tagpalamati. Paano?

Indi lang pagtudlui ang imo Bible study sang mga kamatuoran sa Biblia, kundi buligi sia nga mahangpan ang epekto sini sa iya kabuhi kag sa iya kaangtanan kay Jehova. Ipakita sa iya kon paano ang mga talaksan sang Biblia nagapakita sang gugma, kaayo, kag pagkamatarong sang Dios. Mamangkot sing mataktikanhon para mabuligan sia nga mausisa ang iya nabatyagan sa iya ginatun-an. Buligi sia nga marealisar ang benepisyo kon tadlungon niya ang iya sala nga pagtamod ukon paggawi. Kon makita mo nga ginahigugma gid sang imo Bible study si Jehova, mangin mas malipayon ka.

TAN-AWA ANG VIDEO NGA MAGKALIPAY SA PAGHIMO SANG DISIPULO—PAUSWAGA ANG IMO MGA IKASARANG—LAB-UTA ANG TAGIPUSUON, DAYON SABTI ANG MASUNOD NGA MGA PAMANGKOT:

• 

  Ngaa ginpamangkot ni Neeta si Jade: “Ti, napamensaran mo na sing maayo ang gin-istoryahan ta sang Lunes?”

• 

  Paano ginbuligan ni Neeta si Jade nga makita kon paano ang mga talaksan sang Biblia nagapakita sang gugma ni Jehova sa iya?

• 

  Paano ginbuligan ni Neeta si Jade nga mapakita ang iya gugma sa Dios?