Giya sa Pagkabuhi Kada Adlaw nga Makita sa JW.ORG

Ang Pulong sang Dios nagabulig sa aton nga masarangan ang mga problema sa sining katapusan nga mga adlaw. (2Ti 3:1, 16, 17) Pero kon kaisa, kinahanglan naton sing bulig para makita ang mga prinsipio sa Biblia nga makabulig sa aton sitwasyon. Halimbawa, isa ka bala ka ginikanan nga nagapangita sing giya sa pagpadaku sang imo kabataan? Isa ka bala ka tin-edyer kag ginatilawan ang imo pagtuo? Isa ka bala ka balo nga nasubuan gid sa pagkapatay sang imo tiayon? May mga impormasyon sa jw.org nga makita ang mga prinsipio sa Biblia nga makabulig sa imo sa sini nga kahimtangan ukon sa iban pa nga sitwasyon.—Hul 2:3-6.

Sa umpisa sang jw.org, tum-uka ang PANUDLO SANG BIBLIA nga tab. (Tan-awa ang piktyur 1.) Pilia sa listahan ang kategoriya nga gusto mo. Ukon tum-uka ang LIBRARY > SERYE SANG MGA ARTIKULO kag pilia ang gusto mo nga kategoriya. (Tan-awa ang piktyur 2.) Makita mo man ini nga mga kategoriya sa JW Library^®.a Diin man sa sini ang gamiton mo, mahimo manamian ka gid bisan sa pagtan-aw lang sang mga artikulo. Ang isa pa ka paagi amo ang paggamit sang search box sa jw.org para makita mo ang topiko nga gusto mo.

I-type ang masunod nga mga topiko sa search box, dayon isulat ang mga artikulo nga gusto mo basahon.

• Pagpadaku sa kabataan

• Depresyon sa mga tin-edyer

• Kamatayon sang tiayon