Mga Bahin sang Magkabuhi sing Wala Katapusan! nga Makabulig sa Pagtudlo

Nanamian ka bala sang mga video kag mga pamangkot sa libro nga Magkabuhi sing Wala Katapusan!, pati na ang mga bahin sini nga “Kon Magsiling ang Iban,” “Ang Puede Mo Himuon,” kag “Dugang nga Impormasyon”? Ano pa nga bahin sini nga libro ang makabulig sa imo sa pagdumala sang pagtuon sa Biblia?—Mat 28:19, 20.

Media: Kon gusto mo gamiton ang naimprinta nga libro, ano ang himuon mo para mahapos mo makita ang mga video ukon ang iban pa nga media? Sa imo elektroniko nga kopya, buksi ang isa sa apat ka seksion. Sa idalom sang nakalista nga tig-ulo sang mga leksion, makita mo ang tanan nga media para sa sina nga seksion. (Tan-awa ang piktyur 1.)

“Printed Edition” nga setting: Kon elektroniko nga kopya ang ginagamit ninyo sa pagtuon, puede mo man gamiton ang setting nga “Printed Edition.” Kon nabuksan mo na ang isa ka leksion, tum-uka ang tatlo ka pintok sa ibabaw sang page dayon pilia ang “Printed Edition.” Ini nga layout makabulig sa imo nga makita kon paano ang impormasyon nga ginabinagbinag ninyo naangot sa tema sang leksion. Kon gusto mo ibalik sa digital edition, tum-uka liwat ang tatlo ka pintok kag pilia ang “Digital Edition.”

“Handa Na Bala Ako?”: Ini nga mga kahon sa katapusan nga bahin sang libro nagalista sang panguna nga mga kalipikasyon para ang isa puede na makabantala upod sa kongregasyon kag magpabawtismo. (Tan-awa ang piktyur 2.)

Endnote: Ang mga endnote nagahatag sing dugang nga paathag sa pila ka importante nga topiko. Ang elektroniko nga kopya sang libro may ara sing link sa katapusan sang kada endnote para makabalik ka sa ginatun-an ninyo nga leksion. (Tan-awa ang piktyur 2.)