Magtuon sa mga Piktyur

Madamo sing mga piktyur ang aton mga publikasyon nga nagatudlo sa aton sang importante nga mga punto. Paano makabulig ini nga mga piktyur sa imo pagtuon?

• Tan-awa ang mga piktyur antes mo basahon ang isa ka artikulo. Makabulig ini para maganahan ka nga basahon ang artikulo. Binagbinaga ini nga ilustrasyon: Kon may makita ka nga manamit nga pagkaon, excited ka nga kaunon ini dayon. Sing kaanggid, maganahan ka sa pagbasa sang artikulo kon tan-awon mo anay ang mga piktyur. Gani antes mo umpisahan ang pagbasa, pamangkuta ang imo kaugalingon, ‘Ano nga mga piktyur ang makita ko sa sini nga artikulo?’—Amos 7:​7, 8.

• Samtang ginabasa mo ang artikulo, hunahunaa kon ngaa gingamit ini nga piktyur. Basaha ang mga kapsion kag mga paathag sa sini. Hunahunaa kon ano ang koneksion sang piktyur sa artikulo nga imo ginabasa kag kon paano mo ini maaplikar sa imo kabuhi.

• Sa tapos mo mabasa ang artikulo, tan-awa liwat ang mga piktyur para madumduman mo ang panguna nga mga punto. Tandai ini nga mga piktyur kag kon ano ang natun-an mo sa sini.

• Tan-awa ang mga piktyur sa sini nga magasin kag testingi kon madumduman mo ang mga punto nga imo natun-an.