Korap nga mga Pulitiko—Kon Ano ang Himuon sang Ginharian sang Dios

Gusto sang mga tawo sang masaligan nga mga lider sa gobierno. Kapoy na sila sa korap nga mga pulitiko. Sa isa ka surbe nga ginhimo sa sarisari nga bahin sang kalibutan sang 2023, madamo nga tawo ang nagsiling nga ang panguna nga grupo nga wala nila ginasaligan amo ang mga lider sang gobierno.a

Ginasugid sang Biblia ang isa ka gobierno nga ang Lider masaligan gid kag honest. Indi gid sia korap kag indi gid mangin korap. Ini nga gobierno amo ang Ginharian sang Dios kag ang Lider sini amo si Jesucristo.—Isaias 9:7.

Napamatud-an na ni Jesus paagi sa iya mga hinimuan nga nagaulikid gid sia sa mga tawo. (Mateo 9:35, 36) Bilang Hari sang Ginharian sang Dios, siguraduhon niya nga may ara na sang hustisya kag paghidait ang tanan nga magabaton sang iya paggahom.—Salmo 72:12-14.