Jesus Bala ang Ngalan sang Dios?

Ang sabat sang Biblia

Gintawag ni Jesus ang iya kaugalingon nga “Anak sang Dios.” (Juan 10:36; 11:4) Wala gid ginpakilala ni Jesus ang iya kaugalingon subong ang Labing Gamhanan nga Dios.

Dugang pa, si Jesus nagpangamuyo sa Dios. (Mateo 26:39) Kag sang gintudluan ni Jesus ang iya mga sumulunod kon paano mangamuyo, nagsiling sia: “Amay namon nga yara sa langit, pakabalaanon ang imo ngalan.”—Mateo 6:9.

Ginpakilala ni Jesus ang ngalan sang Dios sang ginkutlo niya ang Kasulatan kag nagsiling: “Magpamati ka, O Israel, si Jehova nga aton Dios isa gid lang nga Jehova.”—Marcos 12:29; Deuteronomio 6:4.