Footnote

a Sa pagsakdag sa Ginharian sang Dios, ang mga Saksi ni Jehova wala nagabuylog sa politika ukon nagasugyot sing rebelyon batok sa sekular nga mga panguluhan, bisan sa kadutaan diin ginadumilian ukon ginahingabot ang mga Saksi. (Tito 3:1) Sa baylo, nagatinguha sila nga makahatag sing positibo, espirituwal, indi politikal nga bulig sa paagi nga ginhimo anay ni Jesus kag sang iya mga disipulo sang nahauna nga siglo. Nagatinguha ang mga Saksi nga buligan ang may huyog sa pagkamatarong nga mga tawo sa ila nanuhaytuhay nga mga komunidad nga batunon ang mapuslanon nga mga prinsipio sang Biblia, subong sang gugma sa pamilya, pagkabunayag, matinlo nga moral, kag maayo nga pamatasan sa trabaho. Una sa tanan, nagatinguha sila nga tudluan sila kon paano sundon ang mga prinsipio sang Biblia kag paabuton ang Ginharian sang Dios subong amo ang matuod nga paglaum sang katawhan.