Ambahanon 86

Pagpalambo sa Bunga Sang Gugma

(1 Corinto 13:8)

1. May manga dulot si Jehova

Sa tanan nga ministro niya

Agod ila nga himuon

Ang iya nga kabubuton.

Espiritu mahal nila;

Nagalambo manga bunga;

Apang ang labi sa tanan—

Gugma nga di matupungan.

2. Ang aton manga kinaiya

Gamiton sa ministeryo n’ya;

Aton gid nga panikasgan

Nga maguswag ini tanan.

Di lang isip ang gamiton

Kon karnero ang pakanon;

Kundi man tagipusuon

Agod pakamaayuhon.

3. Sa pagalagad nga mapisan

Ang kalinong aton amligan.

Kita magmapailubon;

Maluya aton sakdagon.

Bisan sa diutay nga bagay

Ginabatyag ang kalipay.

Nian ginahimpit ang gugma

Sa pagilog kay Jehova.