Ambahanon 191

Himua nga Imo ang Kamatuoran

(2 Corinto 4:2)

1. Sa pagkabuhi, kamatuoran sundon.

Wala na sing maayo pa.

Laygay ni Cristo, mangin mahinatagon,

Agod kalipay bugana.

Kamatuoran

Himua nga imo man.

Sa paggawi, pagtuo hayag,

Kay imo ang kamatuoran.

2. Kon Dios unahon, dayawon sing aktibo,

Kalibutan di na abyan.

Natingala gid manga wala pagtuo.

Ginpilimo iya dalan.

Ang kalibutan

Isikway, di ulikdan.

Kag mangin suod ikaw sa Dios,

Kay imo ang kamatuoran.

3. Sing manga limbong ang Yawa magahimo,

Apang imo nga masumpong.

Ang pangamlig mo ang taming sang pagtuo.

Ini imo nga gamiton.

Di malimbungan,

Madaya ang Yawa man.

Ang hinganib sang Dios isulob,

Kay imo ang kamatuoran.

4. Unod maluya, balatyagon madaya.

Ini imo pamatukan.

Imo malandas, magsalig kay Jehova,

Kay sia ang imo nga Abyan.

Kamatuoran

Himua nga imo man.

Kontrolon ang kaugalingon,

Kay imo ang kamatuoran.