Ambahanon 87
Ang Panihapon Sang Ginuo
1. O Jehova, Amay sa langit,
Gabi ini nga balaan!
Sadto sang Nisan katorse nakita
Gugma mo, gahom, kaalam.
Kordero sa Paskwa ginkaon,
Kag Israel nahilway na.
Sang ulihi dugo ni Cristo ginhalad
Sa pagtuman sini nga tagna.
2. Nagatilipon kami karon,
Sa imo nga atubangan,
Agod dayawon ang imo nga gugma
Kag padunggan imo ngalan.
Sa atubangan namon karon
Ang alak kag ang tinapay.
Simbulo, pahanumdom ini sa amon
Kon anong pagkaon ang bagay.
3. Ang tinapay nagalarawan
Sing lawas ni Jesucristo.
Ang alak simbulo sang iya dugo,
Nagtubos sa manga tawo.
Ang Memoryal aton nga huptan
Sa isip, tagipusuon.
Laktan kada adlaw ang dalan ni Cristo
Maagom kabuhi nga dayon.