Ipaambit ang “Maayo nga mga Butang” Paagi sa Pagkamaabiabihon (Mat. 12:35a)

Pat-od nga luyag naton tanan nga ipaambit ang “maayo nga mga butang” sa iban paagi sa ‘pagkamaabiabihon.’ (Roma 12:13) Ang mga gulang ang nagapanguna sa paghimo sing kahimusan sa pag-abiabi sa gin-agda nga mga humalambal kag sa pag-uli sa ila kagastuhanan sa pagbiyahe. Pero, mahimo nagapangalag-ag kita sa pagpakita sing pagkamaabiabihon bangod pigado kita, ukon nahuya kita mangagda sa aton balay. Makabulig sa aton ang laygay ni Jesus kay Marta nga malandas ini nga balatyagon. (Luc. 10:39-42) Ginpadaku niya nga ang “maayo nga bahin” sang pagkamaabiabihon amo ang pag-inupdanay kag pagpalig-unay, indi ang madamo nga pagkaon ukon matahom nga dekorasyon sa balay. Kon sundon naton ini nga laygay, mapaambit naton tanan ang “maayo nga mga butang” sa aton mga kauturan nahisuno sa Pulong sang Dios.—3 Juan 5-8.