Young People Ask—What Will I Do With My Life? (Zaj 1)
Cov tub ntxhais hluas yuav tsum paub txiav txim zoo, lawv lub neej thiaj vam meej. Daim yeeb yaj kiab hu ua Young People Ask—What Will I Do With My Life? yuav pab tau cov hluas niaj hnub no. Thaum koj tso daim yeeb yaj kiab no saib, xub xaiv lub ntsiab hu ua Play Drama. Ua tib zoo saib koj thiaj teb tau lo lus nug 1 txog 11. Tom qab koj saib zaj ntawd tas, mus rau hauv lub ntsiab hu ua Interviews, es xaiv zaj hu ua Looking Back. Saib seb koj teb puas tau lo lus nug 12 txog 17.
Zaj Yeeb Yam: (1) Ib yam li Timaute, cov tub ntxhais hluas niaj hnub no yuav tau txiav txim txog dabtsi? (2) Luag lwm tus txhob kom Andre xyaum txuj tes taw li cas? (3) Andre puas yuav teev tiam tau Yehauvas thiab caum lub neej xyaum txuj tes taw, thiab Kwvtij Fleissig tau pab Andre pom li cas txog qhov no? (Mth. 6:24) (4) Kwvtij Fleissig qhia tias tibneeg yuav tsum ua dabtsi lawv thiaj muaj kev zoo siab tiag tiag? (5) Vim li cas Kwvtij Fleissig ho khaws lub tais uas nws tau siv thaum nws raug kaw? (6) Cov tibneeg hauv daim duab nrog Kwvtij Fleissig nkawd yog leejtwg? (7) Kwvtij Fleissig puas khuvxim tej uas nws tau tso tseg? (Flp. 3:8) (8) Andre nug nws niam tais tias, “Yog tias kuv dhia yeej sawvdaws kom kuv muaj koob muaj npe, puas txhaum thiab?” Nws niam tais teb nws li cas? (Lk. 4:5-7) (9) Thaum Andre dhia yeej sawvdaws lawm, nws puas zoo siab tiag? (10) Koj xav li cas txog tsab ntawv uas Kwvtij Fleissig xa mus rau Andre thaum kawg? (P.L. 10:22) (11) Kwvtij Fleissig pab Andre nkag siab li cas?
Looking Back: (12) Tus kwvtij thiab tus muam nrhiav lub neej zoo li cas thiab yog vim li cas? (13) Nkawd nto moo npaum li cas? (14) Muaj li cas nkawd thiaj ras txog txojkev teev tiam Yehauvas? (2Khl. 5:15) (15) Tom qab nkawd tso lub neej qub tseg, nkawd pib ua haujlwm dabtsi rau Yehauvas, thiab vim li cas nkawd thiaj pom tias yus ua tsis tau ob lub siab? (16) Tom qab nkawd hloov nkawd lub neej lawd, nkawd puas khuvxim lub neej qub? (17) Thaum koj xav txog nkawd cov lus, ua rau koj xav li cas txog koj lub neej?
Thov siv sijhawm los saib lwm cov ntsiab me hauv daim DVD no. Lwm lub lim tiam tseem yuav muaj lus nug ntxiv, ntsig txog cov ntsiab me ntawd.