Yuav Ua Li Cas Txojkev Txij Nkawm Thiaj Nyob Ruaj Khov?

Nyob hauv phau Vajlugkub, Anplahas thiab Xalas nkawd txawj sib hlub thiab sib hwm. (Chivkeeb 12:11-13; 1 Petus 3:6) Txawm li ntawd los, nkawd ntsib ntau yam teeb meem uas nkawd yuav tau nyiaj kom dhau. Yog li ntawd, cov txij nkawm kawm tau li cas los ntawm Anplahas thiab Xalas?

Nrhiav sijhawm los sib txuas lus. Yog koj tus txij nkawm hais lub hnyav zog lawm los ua zoo teb nws. (Chivkeeb 16:5, 6) Tsis tas li ntawd, siv sijhawm nrog koj tus txij nkawm ua ke. Tej yam uas koj hais thiab koj ua yuav qhia rau nws tias koj hlub tshua nws. Tiamsis yam tseem ceeb tshaj yog muaj Yehauvas hauv neb txojkev txij nkawm. Zoo rau neb ob tug kawm Vajlugkub ua ke, thov Vajtswv ua ke, thiab pe hawm Vajtswv ua ke. (Tej Lus Qhia 4:12) Yog neb ob niam txiv nyob ruaj khov, Yehauvas uas yog tus tsim txojkev txij nkawm yuav tau koob meej.

SAIB ZAJ YEEB YAJ KIAB PAB KOM TXOJKEV TXIJ NKAWM NYOB RUAJ KHOV, TOM QAB NTAWD TEB COV LUS NUG NO:

• Hauv zaj yeeb yaj kiab, ua cas Vam Xwm thiab Kiab nkawd ib leeg nrug deb zuj zus ntawm ib leeg lawm?

• Vim li cas zoo rau ob niam txiv sib qhia siab?

• Vam Xwm thiab nws tus pojniam xyaum coj li Anplahas thiab Xalas li cas?

• Vam Xwm thiab nws tus pojniam ua li cas nkawd txojkev txij nkawm thiaj rov qab ruaj khov?

• Vim li cas tus txiv thiab tus pojniam yuav tsum tsis txhob xav tias nkawd lub neej yuav tsis muaj teeb meem?