VAJTSWV TEJ LUS NYIAJ LUS KUB | KHIAV DIM 35-36

Yehauvas Pab Nws Cov Tibneeg Kom Txawj Ua Nws Tes Haujlwm

35:25, 26, 30-35; 36:1, 2

Yehauvas lub hwj huam dawb huv pab tau Npexalees thiab Auhauli-as nkawd txawj txua ub txua no rau lub tsev ntaub. Tamsim no Yehauvas lub hwj huam dawb huv los yeej pab tau nws cov tibneeg tib yam nkaus. Ua li, peb yuav coj li cas thiaj txais tau tej no?

Peb yuav tau thov Yehauvas pub nws lub hwj huam dawb huv kom peb huab yam txawj ua nws tes haujlwm
Peb yuav tsum rau siab ntso kawm Vajtswv Txojlus
Txawm peb yuav ua tes haujlwm twg rau Yehauvas, cia li sib zog ntsos ua kom kawg siab kawg ntsws

Cov duab: Yehauvas Cov Timkhawv ua tau ntau yam haujlwm rau Yehauvas. 1. Cov muam kho vaj kho tsev. 2. Ib tug kwvtij npaj ‘Phau Tsom Faj’ ua ntej nws mus qhia rau saum sam thiaj. 3. Ib tug kwvtij qhia Vajlugkub hos ib tug tshuaj kom tsis txhob muaj xwm dabtsi los raug nkawd. 4. Ib khub txij nkawm mus txoj Kev Kawm Rau Cov Qhia Lub Nceeg Vaj.

Yehauvas pab tau koj ua yam haujlwm twg?