Cia Li Koom Tes Tshaj Tawm Txog Vajtswv Lub Tseem Fwv Rau Lub 11 Hlis

Yexus qhia txoj xov zoo txog Vajtswv lub tseem fwv. (Lukas 4:43, NWT ) Nws kuj qhia kom tibneeg thov txog lub tseem fwv ntawd. (Mathais 6:9, 10, NWT ) Lub 11 Hlis ntuj, peb yuav mus tshaj tawm ncha moo lug txog Vajtswv lub tseem fwv. (Mathais 24:14, NWT ) Nco ntsoov lauj sijhawm mus koom txojkev tshaj tawm no. Cov xav ua tes haujlwm pab tho kev rau lub hli no xaiv tau seb lawv xav ua 30 lossis 50 teev.

Nco ntsoov nyeem ib nqis Vajlugkub txog Vajtswv lub tseem fwv rau cov tibneeg hauv peb thaj tsam. Thaum koj nyeem Vajlugkub, ua tib zoo xav txog tus neeg koj nyeem rau seb nws ntseeg li cas. Yog tus neeg koj qhia thawj zaug rau nyiam, ces muab Phau Tsom Faj Phau 2 Xyoo 2020 rau nws. Tom qab ntawd, rov mus xyuas nws sai li sai tau thiab siv peb tej twj los pib qhia Vajlugkub rau nws. Tsis ntev tom ntej no, Vajtswv yuav los rhuav tshem tagnrho tej nom tswv thiab cov uas tawm tsam nws. (Daniyees 2:44; 1 Kauleethaus 15:24, 25) Yog li ntawd, cia peb siv tagnrho peb lub dag lub zog los mus txhawb nqa Yehauvas thiab nws lub tseem fwv!