Ceev Koj Txojkev Txwj Nkawm Kom Ruaj Khov

Thaum ob tug tibneeg sib sau los ua neej, Yehauvas suav tias nkawd yog ib khub lawm. (Mathais 19:5, 6) Muaj coob leej txwj nkawm ntseeg Yehauvas txawj ua neej noj sib hlub haus sib ce. Tiamsis txhob xav tias lawv tsis muaj lus sib cov nyom li. Nco ntsoov thaum ob niam txiv sib tshom, txhob coj yam li tus neeg tsis paub Yehauvas es maj nrawm nroos sib cais sib nrauj. Cia peb kawm seb yuav ceev txojkev txwj nkawm li cas.

Cim 5 yam no tseg cia.

1. Ceev koj lub siab tsis txhob nrog luag sib tawb sib zeg, tsis txhob saib thiab mloog tej yam qias tsis huv. Tej yam no yuav rhuav tau neb lub neej zuj zus.​—Mathais 5:28; 2 Petus 2:14.

2. Kho koj txojkev sib raug zoo nrog Yehauvas, koj thiaj muaj siab kho koj txojkev txwj nkawm.​—Phau Ntawv Nkauj 97:10.

3. Coj lub siab tshiab. Ib leeg pab ib leeg lub neej thiaj li ruaj ntseg.​—Kaulauxais 3:8-10, 12-14.

4. Xyaum sib txuas lus thiab hais lus mos lus muag.​—Kaulauxais 4:6.

5. Txhob ua ntsej muag dub ntsej muag doog es cais chaw pw.​—1 Kauleethaus 7:3, 4; 10:24.

Thaum ob niam txiv txawj sib hwm, ces twb yog nkawd hwm Yehauvas tus uas tsa kom muaj txojkev txwj nkawm.

SAIB ZAJ YEEB YAJ KIAB PEB YUAV TSUM “UA SIAB NTEV THEV SIB TW DHIA”​—DHIA RAWS KEVCAI, TOM QAB SAIB TAG NUG LI NO:

• 

  Thaum nyuam qhuav sib yuav mas tshav ntuj qas nrig tiamsis ntev mus ntev tuaj muaj li cas tshwm sim?

• 

  Thaum ib txhia xav tias lawv txojkev sib yuav kawg rau qhov sib nrauj lawm xwb, tej nqi Vajlugkub pab tau li cas?

• 

  Yehauvas tsa tej kevcai twg los txhim kho txojkev sib yuav?

• Yuav kom ob niam txiv lub neej ruaj ntseg, nkawd yuav kho li cas?