LUB NEEJ KHIXATIA
Txawj Sib Hlub Sib Pab Thaum Mus Tej Rooj Sib Txoos
Txhua xyoo, peb yeej tos tsis hnyu yuav mus tej rooj sib txoos. Tib yam li cov Yixalayees nyob txheej thaub ub, tej rooj sib txoos yog lub caij lub nyoog cov nyob deb nyob ze tuaj sib sau ua ke pe hawm Yehauvas ua ib pab ib pawg. Kuj muaj ntau yam npaj tseg los mus txhawb nqa txhua tus txojkev ntseeg. Peb ris Yehauvas txiaj ntsig kawg nkaus li, peb thiaj npaj siab tuaj koom kom tau 3 hnub huvsi.
Thaum mus tej rooj sib txoos, cia peb muaj lub siab sib hlub sib pab. (Kalatias 6:10; Henplais 10:24, 25) Yog muaj neeg los dhau los cia li qhib qhov rooj rau. Tej rooj zaum los hom li tsim nyog xwb. Ua yam li no thiaj yog xam pom luag. (Filipis 2:3, 4) Ntxiv ntawd, nco ntsoov mus zeem mus hu sawvdaws. Tsis hais yuav yog ua ntej los yog tom qab lub rooj sib txoos lossis thaum noj su. (2 Kauleethaus 6:13) Ua li no, txhua tus thiaj li yuav muaj chaw ntoj chaw thuv. Thaum luag lwm leej lwm tus pom ces yuav rub lawv lub siab los cuag Yehauvas.—Yauhas 13:35.
SAIB ZAJ YEEB YAJ KIAB ROOJ SIB TXOOS “TXOJKEV HLUB UAS NYOB MUS IB TXHIS!” RAU NTAU LUB TEBCHAWS, TOM QAB SAIB TAG NUG LI NO:
Xyoo 2019, cov ntseeg tos txais cov qhua tuaj rooj sib txoos zoo npaum li cas?
Ua cas Yehauvas cov tibneeg ho txawj sib hlub thiab sib koom siab ua luaj?
Pab Uas Ntau Thawj tau qhuas cov ntseeg li cas txog lawv txojkev hlub?
Koj twb npaj tseg yuav ua dabtsi tom rooj sib txoos thiaj qhia tias koj txawj sib hlub sib pab?
Tau muaj li cas tshwm sim hauv tebchaws Ntsaws Mes Nis (Germany) thiab Kaus Lis Qab Teb vim sawvdaws txawj sib hlub sib pab?
Raws li koj tau pom no, koj npaj siab yuav ua li cas?