Ua Tib Zoo Xav Seb Yehauvas Teb Koj Li Cas

Phau Vajlugkub qhia tias Yehauvas twb teb coob tus tej lus thov lawm. Thaum cov uas teev tiam Yehauvas pom tias nws teb lawv tej lus thov, yeej txhawb tau lawv lub zog kawg li. Yog li thaum peb thov txog ib yam dab tsi, peb yuav tsum thov kom ntxaws ntxaws txog yam ntawd. Ua tib zoo mloog seb Yehauvas yuav teb peb li cas, rau qhov tej zaum nws yuav tsis teb peb raws li qhov uas peb xav. (2 Kauleethaus 12:7-9; Efexus 3:20) Tej zaum nws yuav ua lwm yam los pab peb raws li hais no.

• Pub dag pub zog rau peb kom peb nyiaj taus peb tej kev nyuaj siab.​—Filipis 4:13

• Pub tswv yim rau peb kom peb paub txiav txim.​—Yakaunpaus 1:5

• Pab kom peb qab siab ua yam ub yam no.​—Filipis 2:13

• Pab kom peb muaj lub siab tus.​—Filipis 4:6, 7

• Siv lwm tus tuaj pab thiab txhawb peb.​—1 Yauhas 3:17, 18

• Pab cov uas peb thov rau.​—Tes Haujlwm 12:5, 11

SAIB ZAJ YEEB YAJ KIAB YEHAUVAS HNOV PEB TEJ LUS THOV CES TEB COV LUS NUG NO:

• Yog peb muaj mob ua tsis tau pes tsawg rau Yehauvas lawm, kwv tij Thakesim (Takeshi) tus qauv pab tau peb li cas?

• Peb xyaum tau li cas los ntawm kwv tij Thakesim?