Kawm Kom Thiaj Paub Ceev Faj

Nyeem Daniyees 9:1-19 kom thiaj pom tias tseem ceeb npaum li cas rau peb mob siab kawm Vajlugkub.

Tshawb nrhiav seb muaj li cas. Muaj dab tsi tshwm sim sam sim ntawd, thiab ho raug rau Daniyees li cas rau li cas? (Daniyees 5:29–6:5) Koj xav li cas yog tias koj ho yog Daniyees?

Tshawb nrhiav ntxiv. Daniyees mus nyeem “tej ntawv” twg pab nws? (Daniyees 9:2; w11-E 1/1 22 ¶2) Vim li cas Daniyees ho lees nws thiab cov Ixayees tej kev txhaum? (Levis Kevcai 26:39-42; 1 Vajntxwv 8:46-50; dp-E 182-184) Daniyees tej lus thov qhia tau li cas tias nws yog ib tug uas mob siab kawm Vajtswv Txoj Lus?​—Daniyees 9:11-13.

Xav txog tej koj kawm tau es muab coj los siv. Nug koj tus kheej li no:

• ‘Yuav ua li cas kuv thiaj li tsis cia tej yam tshwm sim hauv lub qab ntuj no los tab kaum kuv?’ (Mikhas 7:7)

• ‘Vim li cas zoo rau kuv mob siab kawm Vajtswv Txoj Lus ib yam li Daniyees?’ (w04-E 8/1 12 ¶17)

• ‘Tej ntsiab twg yuav pab kom kuv “ceev faj zov tos”?’ (Mathais 24:42, 44; w12-E 8/15 5 ¶7-8)