Kawm Txog Cov Duab

Peb tej ntaub ntawv muaj ntau yam duab uas qhia ntau lub ntsiab. Ua li cov duab no ho pab tau koj li cas?

• Saib cov duab ua ntej koj nyeem cov ntaub ntawv. Tej zaud thaum koj pom cov duab yuav ua rau koj xav nyeem seb yog hais li cas. Zoo ib yam li tej zaub mov, ob lub qhov muag pom ces thiaj xav ua rau lub qhov ncauj xav noj. Ua ntej koj yuav nyeem ib zaj twg, xav seb koj pom daim duab twg ua ntej.​—Amaus 7:7, 8.

• Thaum koj nyeem ib zaj twg, xav seb vim li cas lawv ho xaiv daim duab ntawd. Nyeem cov lus uas nyob ntawm daim duab. Ua tib zoo xav seb daim duab dhos rau lub ntsiab thiab koj lub neej li cas.

• Tom qab koj nyeem tag, siv cov duab los pab koj cim txog tej lub ntsiab. Kaw koj ob lub qhov muag ces xav txog cov duab seb koj kawm tau dab tsi.

• Rov mus saib cov duab hauv phau ntawv no seb koj nco tau cov ntsiab twg.