Yexus “Kawm Tau Txoj Kev Mlooglus”

Yexus yeej ib txwm mloog Yehauvas lus. (Yauhas 8:29) Vim li cas nyob hauv phau Vajlugkub thiaj li hais tias: “Nws tseem kawm tau txoj kev mlooglus los ntawm tej kev txomnyem”?​—Henplais 5:8.

Thaum Yexus tseem nyob hauv ntiaj teb no nws raug tej yam uas nws tsis tau raug saum ntuj. Xws li nws niam thiab nws txiv hlub Yehauvas heev tiam sis nkawd yog noob txaug neeg txhaum. (Lukas 2:51) Nws raug tej thawj coj thiab cov nom tswv tsim txom. (Mathais 26:59; Malakaus 15:15) Thiab nws tuag txom nyem ntsuav. Nyob hauv phau Vajlugkub hais tias: “Nws txo hwj chim thiab mloog Vajtswv lus mus txog hnub nws tuag kiag saum tus ncej ntoo.”​—Filipis 2:8.

Tej uas Yexus raug hauv ntiaj teb no pab tau kom nws huab yam mloog lus. Yog li ntawd nws thiaj ua tau tus Vaj Ntxwv thiab tus Pov Thawj Hlob uas zoo tshaj plaws vim nws nkag siab peb. (Henplais 4:15; 5:9) Yehauvas huab yam siv tau Yexus tom qab tej uas Yexus raug hauv ntiaj teb no thiab Yehauvas saib nws rau nqi heev. Zoo ib yam li ntawd, txawm peb raug kev nyuaj siab npaum li cas los yog peb mloog Yehauvas lus ces nws yuav siv tau peb ua nws tes hauj lwm thiab nws yuav saib peb rau nqi heev.​—Yakaunpaus 1:4.