Zaj Kawm 8

Tsev Neeg Lub Neej Ua Haum Vajtswv Siab

Tus txiv qhov chaw muaj li cas nyob rau tsev neeg? (1)

Tus txiv yuav tsum thwm nws tus pojniam li cas? (2)

Leej txiv muaj lub nra dabtsi? (3)

Tus pojniam qhov chaw muaj li cas nyob rau tsev neeg? (4)

Vajtswv xav kom niam txiv thiab cov menyuam ua dabtsi? (5)

Vajlugkub saib txojkev sib cais thiab sib nrauj li cas? (6, 7)

1. Phau Vajlugkub hais tias tus txiv yog lub taub hau ntawm nws tsev neeg. (1 Kaulinthaus 11:3) Tus txiv yuav tsum muaj ib tug pojniam xwb. Nkawd yuav tsum sib yuav kom raws li txojcai tau hais tseg.​—1 Ti-mautes 3:2; Titaus 3:1.

2. Tus txiv yuav tsum hlub nws tus pojniam xws li nws hlub nws tus kheej. Nws yuav tsum thwm nws tus pojniam raws li Yexus thwm cov raws nws qab. (Efexaus 5:25, 28, 29) Nws yuav tsum tsis txhob ntaus nws tus pojniam lossis lim xyiam rau nws tus pojniam ib qho twg los ib zaug li. Tiamsis, nws yuav tsum saib taus thiab thwm nws tus pojniam.​—Khaulauxais 3:19; 1 Petus 3:7.

3. Leej txiv yuav tsum tau siv zog ua haujlwm los yug nws tsev neeg. Nws yuav tsum nrhiav zaubmov, khaubncaws, thiab vajtse rau nws tus pojniam thiab cov menyuam. Leej txiv los kuj yuav tsum tau saib xyuas kev ntseeg rau nws tsev neeg. (1 Ti-mautes 5:8) Nws ua tus thawj coj pab nws tsev neeg kawm txog Vajtswv thiab Nws lub ntsiab.​—Kevcai 6:4-9; Efexaus 6:4.

4. Tus pojniam yuav tsum yog ib tug txawj pab nws tus txiv zoo. (Chivkeeb 2:18) Nws yuav tsum pab nws tus txiv qhia thiab cob nkawd cov menyuam. (Paj Lug 1:8) Yehau-vas xav kom tus pojniam saib xyuas nws tsev neeg nyob raws li txojkev hlub. (Paj Lug 31:10, 15, 26, 27; Titaus 2:4, 5) Nws yuav tsum hwm nws tus txiv saib muaj nqes.​—Efexaus 5:22, 23, 33.

5. Vajtswv xav kom cov menyuam mloog niam txiv lus. (Efexaus 6:1-3) Nws kom cov niam txiv cob thiab qhia nkawd tej menyuam. Cov niam thiab txiv yuav tau siv sijhawm nrog lawv cov menyuam thiab kawm qhia phau Vajlugkub nrog lawv, saib xyuas rau lawv kev ntseeg thiab kev thim xav rau hauv siab ntsws. (Kevcai 11:18, 19; Paj Lug 22:6, 15, NW ) Cov niam txiv yuav tsum tsis txhob qhuab qhia lawv cov menyuam nyhav nyhav los lim xyiam li.​—Khaulauxais 3:21.

6. Thaum cov txwj nkawm muaj teeb meem tsis sib haum siab, lawv yuav tsum tau sim coj raws li phau Vajlugkub tej lus qhuab qhia. Phau Vajlugkub txhob kom peb ua qhia kev hlub thiab kev sibzam. (Khaulauxais 3:12-14) Vajtswv Lo Lus tsis txhawb tias kev sib cais yog ib txojkev kho tej nyuag teeb meem me. Tiamsis tus pojniam tej zaum yuav xaiv tso nws tus txiv mus yog tias (1) nws tawv qhawv tsis lees pab nws tsev neeg, (2) nws tsiv tsaim heev uas yuav raug mob rau tus pojniam thiab nws txojsia, lossis (3) tus txiv ua heev heev tsis pub tus niam mus teev Yehau-vas.​—1 Kaulinthaus 7:12, 13.

7. Cov txwj nkawm ib leeg yuav tsum ua siab ncaj ncees rau ib leeg. Kev sib deev yog ib txojkev txhaum rau Vajtswv thiab rau nws tus txwj nkawm. (Henplais 13:4) Kev sib deev sab nraud yus ob tug niam txiv thiaj yog tib txojkev uas phau Vajlugkub tso cai rau sib nrauj es ho mus yuav dua lwm tus. (Mathais 19:6-9; Loos 7:2, 3) Yehau-vas ntxub yog tias sib nrauj tsis raws li phau Vajlugkub hais thiab mus yuav dua lwm tus.​—Malakhis 2:14-16, NW.

[Duab nyob sab 16, 17]

Vajtswv kom cov niam txiv cob thiab qhia nkawd tej menyuam

[Duab nyob sab 17]

Leej txiv uas txawj hlub nws yuav tau npaj khoom thiab txojkev ntseeg rau nws tsev neeg