Zaj Nkauj 138
Koj Hu Ua Yehauvas
(Ntawv Nkauj 83:18)
Tus Vajtswv uas ciaj sia,
Tus Vajtswv uas tsim txhua yam,
Ib tiam rau tiam neeg paub tias
Koj hu ua Yehauvas.
Peb zoo siab tshaj plaws li
Uas tau los ua koj haiv neeg.
Nyob txhua tebchaws thiab txhua xeem
Peb sawvdaws qhuas txog koj.
(TXAIS)
Yehauvas, Yehauvas,
Leejtwg zoo cuag li koj?
Tsis muaj lwm tus, tsis hais saum ntuj
Los yog hauv ntiajteb no.
Koj tib leeg yog tus loj kawg nkaus,
Txhua tus yuav tsum lees paub.
Yehauvas, Yehauvas,
Peb tus Vajtswv tsuas yog koj xwb.
Koj yog tus uas tsim peb
Los ua raws li koj siab xav,
Los tshaj tawm txog koj lub npe;
Koj hu ua Yehauvas.
Peb yog koj cov Timkhawv
Uas yog lub npe koj xaiv tseg.
Peb zoo siab tias koj lees peb
Los ua koj cov tibneeg.
(TXAIS)
Yehauvas, Yehauvas,
Leejtwg zoo cuag li koj?
Tsis muaj lwm tus, tsis hais saum ntuj
Los yog hauv ntiajteb no.
Koj tib leeg yog tus loj kawg nkaus,
Txhua tus yuav tsum lees paub.
Yehauvas, Yehauvas,
Peb tus Vajtswv tsuas yog koj xwb.
(Rho ntawm 2VKk. 6:14; Nt.Nk. 72:19; Yxy. 42:8.)