Zaj Nkauj 145
Npaj Mus Tshaj Tawm
(Yelemi 1:17)
Kaj ntug lawm.
Sawv hlo mus lauj,
Sawv mus tshaj tawm txoj xov zoo.
Tiamsis huab tsaus nti
Los nag sib laub sib lug
Xav rov qab mus kauv pam pw tsaug zog,
pw ntsiag to.
(TXAIS)
Thov Vajtswv pab peb ua haum nws siab
Nco ntsoov txog cov uas nyiam.
Npaj kiag lub siab, lub ntsws, tej lus qhia;
Tshaj tawm kam tiag.
Tsis muaj dabtsi tav peb txoj hau kev,
Yog cov tubtxib nrog peb.
Thiab muaj cov phoojywg zoo los txhawb peb
Tuav rawv peb tes.
Peb yuav pom
Tsis nkim peb zog
Yeej yuav tau txais tej koob hmoov.
Yehauvas kuj pom
Tias peb siv zog peem tiag,
Thiab Nws yeej nco ntsoov txhua tes haujlwm
ua rau nws.
(TXAIS)
Thov Vajtswv pab peb ua haum nws siab
Nco ntsoov txog cov uas nyiam.
Npaj kiag lub siab, lub ntsws, tej lus qhia;
Tshaj tawm kam tiag.
Tsis muaj dabtsi tav peb txoj hau kev,
Yog cov tubtxib nrog peb.
Thiab muaj cov phoojywg zoo los txhawb peb
Tuav rawv peb tes.
(Rho ntawm L.Tsy. 11:4; Mth. 10:5, 7; Lk. 10:1; Tit. 2:14.)