Qhia Txog Ntu 6

Thaum cov Yixayee mus txog lub tebchaws uas Vajtswv tau cog tseg, lub tsev ntaub sib ntsib yog qhov chaw uas lawv tuaj teev tiam Yehauvas. Cov pov thawj yog cov uas qhia Mauxe Txoj Kevcai thiab cov thawj yog cov coj haiv neeg Yixayee. Ntu no yuav qhia tias tej yam uas ib tug twg txiav txim siab ua yuav txhawb lossis yuav txo tau lwm tus. Cov Yixayee txhua tus nyias yuav tau ris nyias lub nra rau Yehauvas thiab rau lwm tus. Kawm seb Denpaula, Na-aumi, Yausua, Hana, Yetha tus ntxhais, thiab Xamuyee lawv tau txhawb lawv cov kwvtij li cas. Txawm tias Lahaj, Luv, Ya-ee, thiab cov neeg Kinpe-oo tsis yog neeg Yixayee los, lawv txiav txim siab tuaj cov Yixayee tog vim Vajtswv yeej nrog nraim cov Yixayee.