Qhia Txog Ntu 8

Yehauvas pub kev txawj ntse nplua mias rau Xalaumoo, thiab cia nws muaj lub tswvyim los ua lub tuam tsev. Tiamsis ntev mus ntev tuaj Xalaumoo txawm tso Yehauvas tseg lawm. Cov niam txiv, pab koj tus menyuam pom tias cov uas tsis ntseeg Vajtswv cob tau Xalaumoo ntawm Vajtswv li cas. Dhau ntawd, cov Yixayee lub tebchaws kuj raug muab faib. Txawm muaj cov vajntxwv phem heev uas tau coj cov tibneeg mus pe dab pe mlom kom fav xeeb rau Yehauvas. Lub caij ntawd, muaj coob tus cev Vajtswv lus uas raug tsim txom thiab raug tua. Poj Vaj Yexenpee cob lub tebchaws sab qaum teb kom fav xeeb loj heev rau Yehauvas. Lub caij ntawd, tsis muaj kev kaj siab li vim tibneeg feem coob tso Yehauvas tseg tas lawm. Txawm li ntawd los, tseem tshuav cov uas ntseeg ruaj nreeg, zoo li Vajntxwv Yehausafa thiab tus cev Vajtswv lus Eliya.