Tus Tswv Pluas Hmo

1. Yehauvas, peb Txiv nyob saum ceeb tsheej,

Hmo no tseem ceeb, yog hmo tshwj xeeb!

Tau ntau niaj lawm ntau xyoo,

koj sib zog qhia txoj moo,

Kev hlub, kev ncaj, tswvyim, hwjchim.

Tus yaj muab xyeem ua Kevcai Hla Dhau,

Koj haiv tibneeg thiaj li dim tau.

Ntau pua xyoo tom qab tus Tswv

muab nws cov ntshav nrog

Zaj lus faj lem thiaj li muaj xaus hlo.

2. Lub ncuav lub khob cawv ua tau pov thawj,

Lub txim npaum cas los koj yuav daws.

Koj tau pub koj Leej Tub

los qhia koj txojkev hlub.

Ciaj tuag los nws yeej mloog koj lus.

Hmo no yog lub sijhawm peb rais nco

Yexus Khetos txojkev theej txhoj.

Koj Leej Tub txojkev tuag

cawm tau hlo peb dim plaws,

Cawm hlo peb ntawm kev tuag mus tsis kawg.

3. Hmo no peb thooj siab ntsws los cuag koj.

Koj caw, peb thiaj sau nthw tuaj hlo.

Peb ris txiaj ntsig rau koj txojkev hlub

tsis paub ploj,

Thiab tuaj pe hawm koj thiab Leej Tub.

Tus Tswv Pluas Hmo txhawb koj lub koob meej,

Thiab txhawb hlo peb siab ntsws nyob tsheej.

Yog li peb npuab nruj nraim Khetos tus neev tus lw,

Ces txojsia ib txhis peb nrhiav tau xwb.