Mus Qhia Rau Txhua Lub Tsev

1. Yexus qhia tseg rau txhua tus ntseeg,

Kom txawj mus nrhiav tib neeg.

Nws tias mus ncig txhua txhua daim teb,

Thiab ncig kom txhua lub tsev.

Yog li tus laus tus hluas thiaj ncig,

Thoob plaws txhua qhov txhua yim.

Hu neeg ntiaj tog qaum pes txhua nrho,

Nrhiav tus neeg muaj siab mos.

2. Vajtswv Txoj Lus qhia tseg rau peb,

Nws yuav rhuav tshem neeg phem.

Tib neeg yuav tau los ntseeg Vajtswv,

Lawv thiaj li yuav dim xwb.

Yog li cia peb mus qhia tib neeg,

Lawv thiaj yuav paub qhov tseeb.

Nco ntsoov mus qhia rau txhua lub tsev,

Lawv thiaj tau txoj sia ntev.

3. Peb mus qhia Yehauvas lub npe,

Kom thoob plaws txhua lub tsev.

Tus twg xav mloog thiab tsis xav mloog,

Los nyob ntawm lawv pom zoo.

Yog peb mus nrhiav lub tsev dhau lub,

Qhia Vajtswv rau txhua tus.

Tus nyiam yeej qhib qhov rooj lug tos,

Seb thaum twg peb mus txog.