Phau Tsom Faj LUB VEJ XAIJ TSHAWB NRHIAV VAJLUGKUB
Phau Tsom Faj
LUB VEJ XAIJ TSHAWB NRHIAV VAJLUGKUB
Hmoob Dawb
  • VAJLUGKUB
  • NTAUB NTAWV
  • TEJ KEV SIB TXOOS
  • lff zaj kawm 8
  • Koj Ua Tau Yehauvas Tus Phooj Ywg

Tsis muaj yeeb yaj kiab rau yam uas koj xaiv.

Thov txim, muaj teeb meem li cas thiaj tso tsis tau tawm.

  • Koj Ua Tau Yehauvas Tus Phooj Ywg
  • Nyob Kaj Siab Lug Mus Ib Txhis—Kawm Phau Vajlugkub
  • Ntsiab Me
  • Ntaub Ntawv Sib Xws
  • KAWM NTXIV
  • KOJ KAWM TAU DAB TSI
  • TSHAWB NTXIV
  • Vajtswv Caw Koj Los Ua Nws Tus Phoojywg
    Koj Ua Tau Vajtswv Tus Phoojywg!
  • Ua Zoo Xaiv Koj Cov Phooj Ywg
    Nyob Kaj Siab Lug Mus Ib Txhis—Kawm Phau Vajlugkub
  • Koj Xav Li Cas?
    Phau Tsom Faj (Tseb Tawm)—2018
  • Vajtswv Yog Tus Phoojywg Zoo Tshaj Rau Koj
    Koj Ua Tau Vajtswv Tus Phoojywg!
Nyob Kaj Siab Lug Mus Ib Txhis—Kawm Phau Vajlugkub
lff zaj kawm 8
Zaj Kawm 8. Tus txiv neej zaum ntawm ib lub rooj ntev thiab ntsia mus rau saum ntuj.

ZAJ KAWM 08

Koj Ua Tau Yehauvas Tus Phooj Ywg

Zoo Yam Phau Ntawv
Zoo Yam Phau Ntawv
Zoo Yam Phau Ntawv

Yehauvas xav kom koj paub nws zoo. Vim li cas nws thiaj xav li no? Nws xav tias thaum koj yim huab paub nws zoo ces koj yim huab yuav xav ntaus phooj ywg nrog nws. Koj puas ntseeg tias koj ua tau Yehauvas ib tug phooj ywg tiag? (Nyeem Phau Ntawv Nkauj 25:14.) Koj yuav tau ua li cas thiaj ua tau nws ib tug phooj ywg? Phau Vajlugkub teb tau cov lus nug no thiab qhia tias vim li cas txoj kev ntaus phooj ywg nrog Yehauvas yog txoj uas tseem ceeb tshaj plaws rau koj.

1. Yehauvas xav kom koj ua dab tsi?

“Nej cia li los nyob ze Vajtswv, Vajtswv thiaj yuav los nyob ze nej.” (Yakaunpaus 4:8) Qhov no txhais tias Yehauvas xav kom koj los cuag nws thiab ua nws tus phooj ywg. Tiam sis muaj ib txhia xav hais tias peb yeej ua tsis tau phooj ywg nrog Vajtswv vim peb twb tsis pom nws nyob qhov twg. Txawm li ntawd los, Vajtswv Txoj Lus qhia txhua yam txog Yehauvas kom peb thiaj txav tau ze rau nws. Txawm peb tsis tau pom Vajtswv Yehauvas dua los, yog peb nyeem phau Vajlugkub ces peb txoj kev sib raug zoo nrog nws yeej yuav zoo zuj zus tuaj.

2. Vim li cas Yehauvas yog tus Phooj Ywg zoo tshaj plaws rau koj?

Tsis muaj leej twg yuav hlub koj npaum li Yehauvas hlub lawm. Nws xav kom koj muaj kev zoo siab thiab thov nws thaum koj cheem tsum ib qho kev pab twg. Cia li muab koj tej kev nyuaj siab huv tib si tso plhuav rau Vajtswv, vim nws hlub koj. (1 Petus 5:7) Yehauvas yeej ib txwm txaus siab hlo pab, nplig, thiab mloog nws cov phooj ywg.​—Nyeem Phau Ntawv Nkauj 94:18, 19.

3. Yehauvas xav kom nws cov phooj ywg ua dab tsi?

Vajtswv Yehauvas muaj kev hlub rau txhua tus tib neeg, tiam sis nws “nrog cov neeg uas hwm nws ua phoojywg.” (Phau Ntawv Nkauj 25:14) Yehauvas xav kom nws cov phooj ywg ua tej yam uas nws suav tias zoo tiam sis txav deb ntawm tej yam uas nws hais tias phem. Ib txhia xav hais tias lawv yeej ua tsis tau txhua yam uas Yehauvas xav kom lawv ua li. Txawm li ntawd los, Yehauvas yeej to taub tias yog peb ua li peb ua tau thiab hlub nws tiag tiag ces nws yeej txais yuav peb.​—Phau Ntawv Nkauj 147:11; Tes Haujlwm 10:34, 35.

KAWM NTXIV

Mus kawm ntxiv seb koj yuav ua li cas thiaj ua tau Yehauvas tus phooj ywg, thiab vim li cas nws yog tus Phooj Ywg uas zoo tshaj rau koj.

4. Anplahas yog Yehauvas tus phooj ywg

Zaj uas hais txog Anplahas (kuj hu ua Anplas) hauv phau Vajlugkub pab peb to taub tias qhov uas ua phooj ywg nrog Vajtswv yog zoo li cas tiag. Nyeem txog Anplahas hauv Chivkeeb 12:1-4. Ces tham txog cov lus no:

  • Vajtswv Yehauvas hais kom Anplahas ua dab tsi?

  • Vajtswv Yehauvas cog lus li cas rau nws?

  • Anplahas ua li cas?

5. Yehauvas xav kom nws cov phooj ywg ua dab tsi

Peb xav kom peb tej phooj ywg ua tej yam twg pub rau peb.

  • Koj xav kom koj cov phooj ywg ua tej yam twg pub rau koj?

Nyeem 1 Yauhas 5:3, thiab tham txog lo lus no:

  • Yehauvas xav kom nws cov phooj ywg ua dab tsi?

Yuav kom yooj yim rau peb mloog Yehauvas lus, peb yuav tau hloov peb tus yam ntxwv los sis peb tus cwj pwm. Nyeem Yaxayas 48:17, 18, thiab tham txog lo lus no:

  • Vim li cas Yehauvas xav kom nws cov phooj ywg hloov lawv tus cwj pwm?

Tus txiv neej ua vaj tse muab ib lub kaus mom tiv thaiv rau ib tug tub ua vaj tse.

Ib tug phooj ywg zoo yuav qhia kom peb ua tej yam uas yuav tiv thaiv thiab pab tau peb xwb. Yehauvas yuav ua ib yam li ntawd rau nws cov phooj ywg

6. Yehauvas ua dab tsi los pab nws cov phooj ywg

Yehauvas pab nws cov phooj ywg thev dhau tej teeb meem uas lawv raug. Saib zaj YEEB YAJ KIAB, thiab tham txog lo lus no.

YEEB YAJ KIAB: Yehauvas Tau Pab Kuv Ntau Kawg Li (3:20)

  • Hauv zaj yeeb yaj kiab, Yehauvas tau pab kom tus poj niam ntawd thev taus nws tej kev nyuaj siab ntxhov plawv li cas?

Nyeem Yaxayas 41:10, 13, thiab tham txog cov lus no:

  • Yehauvas cog lus tias nws yuav ua dab tsi pub rau nws cov phooj ywg txhua tus?

  • Koj puas xav tias Yehauvas yuav yog ib tug Phooj Ywg zoo? Vim li cas koj ho xav li ntawd?

Cov duab: Phooj ywg zoo sib pab. 1. Ob tug txiv neej sib pab nqa ib lub rooj noj mov loj loj. 2.  Tus poj niam qhia nws tej kev nyuaj siab rau ib tug poj niam 3. Tus txiv neej pab ib tug txiv neej uas txheem ib tug pas mus kev.

Cov phooj ywg zoo pab koj thaum koj cheem tsum kev pab. Yehauvas yuav pab koj thiab

7. Yehauvas thiab nws cov phooj ywg yuav tau sib txuas lus tsis tseg tsis tu

Yuav kom ob tug phooj ywg muaj kev sib raug zoo zuj zus, nkawd yuav tau sib txuas lus tsis tu ncua. Nyeem Phau Ntawv Nkauj 86:6, 11, thiab tham txog ob lo lus no:

  • Peb nrog Yehauvas sib txuas lus li cas?

  • Yehauvas nrog peb sib txuas lus li cas?

Cov duab: 1. Tus poj niam thov Vajtswv. Tus xib xub nyob saum nws taub hau taw mus rau saud. 2. Tus poj niam nyeem phau Vajlugkub. Tus xib xub nyob saum nws taub hau taw mus rau hauv.

Thaum peb thov Yehauvas ces twb yog peb nrog nws sib txuas lus, tiam sis nws sib txuas lus nrog peb los ntawm phau Vajlugkub

IB TXHIA HAIS TIAS: “Peb yeej tsis muaj peev xwm ua tau phooj ywg nrog Vajtswv li.”

  • Koj yuav siv nqe Vajlugkub twg los qhia tias koj muaj peev xwm ua tau phooj ywg nrog Yehauvas?

KOJ KAWM TAU DAB TSI

Yehauvas xav ua koj tus Phooj Ywg, thiab nws yuav pab kom koj muaj kev sib raug zoo nrog nws.

Rov Tham Dua

  • Yehauvas pab nws cov phooj ywg li cas?

  • Vim li cas Yehauvas hais kom nws cov phooj ywg mloog nws tej lus sam hwm?

  • Koj puas tau xav tias tsis yooj yim los ua Yehauvas ib tug phooj ywg kiag li? Vim li cas koj ho xav li ntawd?

Koj Xav Xyaum Yam Twg

TSHAWB NTXIV

Yog peb nrog Vajtswv sib raug zoo ho yuav pab tau peb lub neej li cas?

“Yehauvas​—Tus Vajtswv Uas Tsim Nyog Paub Txog” (Phau Tsom Faj lub 2 Hlis tim 15 xyoo 2003)

Mus kawm seb yuav ua cas thiaj ua tau Vajtswv tus phooj ywg.

“Yuav Ua Cas Kuv Thiaj Ua Tau Vajtswv Tus Phooj Ywg?” (Kev Pab Rau Cov Hluas, Phau 2 Tshooj 35)

Mus saib seb vim li cas ib tug poj niam thiaj xav tias nws txoj kev sib raug zoo nrog Yehauvas pab tau nws hloov nws lub neej.

“Kuv Yeej Tsis Xav Tuag Li!” (Phau Tsom Faj Phau 1 Xyoo 2017)

Mloog cov hluas piav seb lawv xav li cas txog Yehauvas.

Ua Vajtswv Tus Phooj Ywg Yog Li Cas Tiag? (1:46)

    Ntaub Ntawv Ua Lus Hmoob Dawb (1988-2025)
    Tawm Mus
    Nkag Mus
    • Hmoob Dawb
    • Xa Rau Lwm Tus
    • Nyiam Zoo Li Cas
    • Copyright © 2025 Watch Tower Bible and Tract Society of Pennsylvania
    • Tso Cai Siv Li Cas
    • Ntsig Txog Koj
    • Privacy Settings
    • JW.ORG
    • Nkag Mus
    Xa Rau Lwm Tus