ZAJ NKAUJ 161
Kuv Txaus Siab Ua Li Koj Nyiam
(Phau Ntawv Nkauj 40:8)
1. Thaum Yexus raus dej tawm plaws rov los,
Koj tej lus txhawb nws lub dag zog.
Nws thiaj kub siab lug mus qhia txhua qhov,
Kom tib neeg los paub txog koj.
Kuv yuav xyaum coj nws tus yam ntxwv no,
Thiab mus qhia rau txhua tus hnov.
Yehauvas pab kom kuv ua li no,
Tib neeg thiaj los paub txog koj.
(TXAIS)
Kuv yeej txaus siab ua li koj nyiam,
Kuv yeej txaus siab ua li koj qhia.
Kuv lub neej no, yuav muab tag nrho,
Los qhuas koj tsis muaj hnub ploj.
Kuv yeej txaus siab ua li koj nyiam,
Kuv yeej txaus siab ua li koj qhia.
Kuv lub neej no, muab tso rau koj,
Kuv yeej tsis khuv xim ib qho.
Kuv yeej txaus siab.
2. Yehauvas txij hnub kuv los paub koj,
Ua rau kuv nplooj siab qhib lis plho.
Kuv xav muab koj tham tuj taws txhua qhov,
Nyob yaj sab thiab hauv zej zog.
Kuv niaj hnub nrog cov uas teev tiam koj,
Ua rau kuv nyob sov siab so.
Kuv yuav nco ntsoov qhia koj lub meej mom,
Kom nrov ncha mus txhua txhia qhov.
(TXAIS)
Kuv yeej txaus siab ua li koj nyiam,
Kuv yeej txaus siab ua li koj qhia.
Kuv lub neej no, yuav muab tag nrho,
Los qhuas koj tsis muaj hnub ploj.
Kuv yeej txaus siab ua li koj nyiam,
Kuv yeej txaus siab ua li koj qhia.
Kuv lub neej no, muab tso rau koj,
Kuv yeej tsis khuv xim ib qho.
Kuv yeej txaus siab.
Ua li koj lub siab nyiam.
(Rho ntawm Pnk. 40:3, 10.)