Vajtswv Lub Tseem Fwv Zoo Li Cas?
Coob leej tau thov kom Vajtswv lub tseem fwv los. Tiamsis koj puas xav paub seb Vajtswv lub tseem fwv zoo li cas thiab yuav ua dabtsi?
PHAU VAJLUGKUB HAIS LI NO:
Vajtswv lub tseem fwv zoo li cas?
Vajtswv lub tseem fwv yog ib lub tseem fwv saum ntuj ceeb tsheej uas Vajntxwv Yexus Khetos ua tus kav.—Yaxayas 9:6, 7; Mathais 5:3; Lukas 1:31-33.
Vajtswv lub tseem fwv yuav ua dabtsi?
Vajtswv lub tseem fwv yuav rhuav tshem txhua yam kev phem hauv ntiajteb thiab yuav pab kom tibneeg nyob thaj yeeb nyab xeeb mus ib txhis.—Daniyees 2:44; Mathais 6:10.
Xub nrhiav Vajtswv lub tseem fwv ua ntej txhais li cas?
Qhov ntawd txhais tias peb yuav tau txhawb nqa Vajtswv lub tseem fwv thiab tso siab tias Vajtswv yuav siv nws lub tseem fwv los kho txhua yam hauv ntiajteb no kom muaj raws li nws lub siab nyiam.—Mathais 6:33; 13:44.