KHAWS CIA
Sim Ua Li No Rau Hmo Tsev Neeg Pe Hawm Vajtswv Ua Ke
Phau Vajlugkub:
• Nyeem ib ob tshooj ntawm tej tshooj Vajlugkub uas tau hom tseg kom nyeem rau lub lim tiam ntawd. Zoo rau ob peb leeg nyeem ua ke yog tej tshooj ntawd muaj ntau tus nyob rau hauv; ib tug ua tus piav, lwm cov mam ua cov uas nyob hauv zaj ntawd.
• Muab zaj Vajlugkub uas nej nyeem los ua yeeb yam saib.
• Kom sawvdaws nyeem ua ntej tej tshooj Vajlugkub uas tau hom tseg rau lub lim tiam ntawd, thiab muab ib ob lo lus nug uas lawv muaj txog tshooj ntawd sau cia ces sawvdaws mam tshawb nrhiav cov lus teb ua ke.
• Ib lub lim tiam twg muab ib nqes Vajlugkub sau cia rau ib daim ntawv me. Cim thiab piav kom tau nqe Vajlugkub ntawd. Txhua lub lim tiam rov muab cov ntawv ntawd los saib seb nej nco tau pes tsawg nqe xwb.
Tej Kev Sib Txoos:
• Npaj ib qho kev sib txoos ua ke.
• Xyaum cov nkauj yuav hu rau lub lim tiam ntawd.
• Yog ib tug twg muaj ib zaj kawm rau Kev Kawm Tshaj Tawm lossis yuav ua ib qho yeeb yam rau Kev Kawm Ua Vajtswv Tes Num, kom sawvdaws tuav tswvyim seb yuav tham li cas lossis ua qhov yeeb yam rau sawvdaws saib seb puas zoo.
Tej Uas Tsev Neeg Cheem Tsum:
• Mus kawm cov ntsiab me “Muaj lus nug ntxiv” hauv phau Kuv Phau Ntawv Txog Phau Vajlugkub.
• Npaj seb tus menyuam yuav hais li cas tom tsev kawm ntawv xws li thaum lwm tus tsim teeb meem rau nws, thaum ua tej kev lig kevcai, lossis thaum muaj caij zoo qhia Vajlugkub.
• Kom cov menyuam tshawb nrhiav ib lub ntsiab es muab piav rau lawv niam thiab txiv mloog.
Ua Vajtswv Tes Num:
• Xyaum seb yuav hais li cas thaum mus qhia Vajlugkub rau Hnub 6 thiab Hnub 7.
• Tham txog tej hom phiaj uas tsev neeg xav ua rau lub caij ua kevcai nco txog Yexus lossis rau thaum so tsis kawm ntawv thiab thaum so tsis ua haujlwm.
• Muab ob peb feeb rau sawvdaws los nrhiav seb yuav teb tibneeg tej lus nug li cas thaum mus qhia Vajlugkub ces tom qab ntawd sawvdaws mam ua yeeb yam xyaum ua ke.
Sim Ua Li No Thiab:
• Nyeem ib zaj hauv Phau Tsom Faj rau lub hli ntawd ua ke.
• Kom sawvdaws ib leeg nyeem ib zaj uas nws nyiam hauv Phau Tsom Faj rau lub hli ntawd ua ntej ces tom qab ntawd mam muab piav rau sawvdaws mloog.
• Caw ib tug tshaj tawm lossis ib khub niam txiv tuaj koom hmo uas koj tsev neeg pe hawm Vajtswv ua ke zaum puav es nug nws lossis nkawd ob peb los.
• Saib ib daim yeeb yaj kiab ua ke ces tom qab ntawd mam tham seb sawvdaws nyiam qhov twg.
• Mloog cov ntaub ntawv uas tau muab kaw ua suab thiab muab phau ntawv los saib raws qab.
• Kawm phau Cob Koj Cov Menyuam lossis ib zaj “Xyaum Lawv Txojkev Ntseeg” uas nyob hauv Phau Tsom Faj.
• Nyeem thiab tham txog ib phau ntawv uas nyuam qhuav tawm tshiab thaum mus rooj sib txoos 3 hnub.
• Rov tham txog lub rooj sib txoos 3 hnub los yog lub rooj sib txoos 1 hnub tom qab mus los txog.
• Mus saib tej uas Yehauvas tau tsim thiab tham seb tej no qhia li cas txog nws.
• Txua ib yam uas muaj nyob hauv phau Vajlugkub xws li Yehauvas lub tuam tsev lossis Nau-a lub nkoj, lossis ko ib daim ntawv qhia kev los yog ib daim duab txog tej caij nyoog hauv phau Vajlugkub.