Ob Lub Nyiaj

Thaum peb pab nyiaj siab dawb ua tes haujlwm tshaj tawm txoj xov zoo thoob qab ntuj, twb yog peb pab txhawb lub Nceeg Vaj thiab. Tiamsis yog peb txom nyem, peb yuav txhawb li cas?

Muaj ib zaug, Yexus pom ib tug poj ntsuam tso nyiaj hauv lub tuam tsev. Nws tso ob lub nyuag nyiaj uas raug nqe tsawg heev. Twb yog nws hlub Yehauvas, nws thiaj “khee kawv qhov nyiaj yug nws txojsia” los tso. (Mk. 12:41-44) Yexus pom tias ob lub nyiaj uas tus poj ntsuam ntawd tso muaj nqes heev rau Vajtswv. Nyob rau thawj ib puas xyoo, cov Khixatia kuj siv nyiaj txiag los txhawb txoj haujlwm tshaj tawm txoj xov zoo thiab. Lawv suav tias txhua tus Khixatia, tsis hais tus muaj ntau muaj tsawg, puavleej muaj qhov koob hmoov no. Cov ntseeg hauv Makhedaunia txom nyem thiab “pluag” kawg li. Txawm li ntawd los, Povlauj hais tias lawv xav “muaj feem rau txojkev hlub uas pab Vajtswv cov xov dawb.”​—2Khl. 8:1-4.

Yog li ntawd, txawm tias peb tso tau ‘ob lub nyiaj’ xwb los, tsis txhob txaj muag. Nco ntsoov tias, yog sawvdaws tso mentsis, thaum muab xam ua ke, yeej tau ntau kawg li lawm. Yog peb muaj siab dawb pub, yeej txaus peb Leej Txiv Yehauvas lub siab, vim nws “hlub tus uas xyiv fab muab.”​—2Khl. 9:7.