Ua Qauv Qhia

Lub 8 Hli: Pib Kawm Vajlugkub Nrog Tibneeg Thawj Hnub 6

“Peb sawvdaws yeej thov Vajtswv dua los lawm. Txawm cov uas tsis ntseeg tias muaj Vajtswv los yeej thov Vajtswv thaum lawv ntsib teeb meem. Koj xav Vajtswv puas hnov txhua tus tej lus thov?” Cia nws teb tas tso. Nthuav mus rau sab kawg nkaus hauv phau The Watchtower lub 8 Hli tim 1, kawm thawj lo lus nug thiab nyeem ib ob nqes Vajlugkub uas nyob rau sab ntawd. Muab phau The Watchtower thiab phau Awake! rau nws, thiab teem sijhawm rov mus kawm lo lus nug 2 rau lwm zaus.

Nco ntsoov: Ua ib qho yeeb yam qhia txog tus qauv no rau lub 8 Hli tim 3 thaum sawvdaws sib txoos mus qhia Vajlugkub.

The Watchtower Lub 8 Hli Tim 1

“Niaj hnub no ib txhia txhawj txog tej duab liab qab uas muaj nyob puv ntia txhua txhia qhov chaw. Tiamsis muaj ib co xav tias tej duab liab qab tsuas yog kev lom zem ua si xwb. Ua li koj ho xav li cas xwb? [Cia nws teb tas tso.] Yexus qhia tias yog pom cov txiv ces yeej paub tias tsob ntoo zoo li cas. [Nyeem Mathai 7:17.] Phau The Watchtower no tham txog tej kev phem lossis teeb meem uas cov neeg nyiam saib duab liab qab tau ua. Thiab phau no yuav pab tau kom cov uas nyiam saib tej duab ntawd tso tau tej kev ntawd tseg.”

Awake! Lub 8 Hli

“Peb sawvdaws yeej xav nyob laus nkoos xwb. Koj xav tej txujci uas tibneeg tshawb nrhiav tau los puas yuav pab tau tibneeg muaj sia nyob ntev? [Cia nws teb tas tso.] Ua tib zoo mloog cov lus cog tseg no. [Nyeem 1 Khaulee 15:26.] Vajtswv yuav tshem kev tuag li cas​—nws yuav siv neeg tej txujci los yog lwm txojkev? Vim li cas peb thiaj txawj laus txawj tuag? Phau ntawv no yuav qhia seb phau Vajlugkub teb cov lus nug no li cas.”