Pab Lawv “Nyob Ruaj Hauv Txojkev Ntseeg”

Txhua xyoo yeej muaj tshaj li 250,000 tawm tus tau ua kevcai raus dej. Qhov no qhia tias Yehauvas tau foom koob hmoov rau tes haujlwm peb ua pab tibneeg los teev tiam nws. (Kc. 28:2) Tom qab tus uas kawm Vajlugkub ua kevcai raus dej tas, peb tsis tshua rov mus qhia nws lawm vim peb xav mus qhia lwm tus. Thiab tej thaum tom qab tus kawm ua kevcai raus dej tas, nws kuj tsis xav kawm ntxiv lawm vim nws xav muab nws lub sijhawm mus qhia Vajlugkub. Txawm li cas los, qhov tseem ceeb tiag cov kawm yuav tsum paub qhov tseeb zoo. Lawv yuav tsum “ntsia cag” ruaj rau Khetos thiab “nyob ruaj hauv txojkev ntseeg.” (Khx. 2:6, 7; 2Tmt. 3:12) Yog li ntawd, txawm tus kawm twb ua kevcai raus dej lawm los, koj yuav tau nrog nws kawm kom tas phau Vajlugkub Qhia thiab phau “Vajtswv Txojkev Hlub” tso.​—Mus saib daim Tes Num Rau Lub Nceeg Vaj ua lus Askiv, lub 4 Hlis xyoo 2011, sab 2.