Ua Qauv Qhia

Yuav Nrhiav Tau Kev Pab Rau Peb Lub Neej Qhovtwg Los?

Muab daim ntawv tseb cev rau tus tswv tsev kom nws pom lub ntsiab ces hais li no: “Nyob zoo os. Daim ntawv no muaj ib qho xov xwm tseem ceeb heev uas peb tabtom muab tseb rau sawvdaws thoob plaws lub ntiajteb. Kuv muab daim no rau koj.”

Yog koj muab ib daim ntawv tseb tso rau cov uas tsis nyob tsev, muab tso kom nraim xwv cov neeg dua kev thiaj tsis pom thiab yog qhov chaw ntawd txaus tso daim ntawv, tsis txhob muab tais.

Yog tus tswv tsev nyiam Vajlugkub lossis xav nrog koj tham, koj kuj nug seb nws xav li cas txog lo lus nug uas nyob rau sab 1. Nthuav mus rau sab 2 thiab 3 es nyeem cov lus uas hais nyob hauv Ntawv Nkauj 119:144, 160 rau nws mloog. Qhia tus tswv tsev tias daim ntawv tseb kuj tham txog ib lub Vej xaij uas yuav pab tau nws nrhiav phau Vajlugkub tej lus teb rau tej lus nug uas nws muaj. Koj kuj tso daim yeeb yaj kiab Kawm Vajlugkub Ua Dabtsi? rau nws saib. Ua ntej koj mus, qhia nws txog 3 lo lus nug uas nyob rau sab kawg nkaus seb nws xav paub lo twg. Hais rau nws tias koj mam li rov tuaj qhia nws siv lub Vej xaij jw.org nrhiav lo lus teb hauv phau Vajlugkub rau lo lus nug uas nws xav paub ntawd. Thaum koj rov mus xyuas nws, mus rau hauv lub Vej xaij jw.org ntawm BIBLE TEACHINGS > BIBLE QUESTIONS ANSWERED.

Yog tseb daim ntawv caw rau lub rooj sib txoos 3 hnub rau lub 8 Hli ntawd thiab, thaum koj muab daim ntawv tseb rau tus tswv tsev, kuj muab daim ntawv caw rau nws thiab. Thaum cev daim ntawv caw, hais li no: “Daim no yog ib daim ntawv caw rau peb lub rooj sib txoos uas yuav los no.”

The Watchtower Lub 8 Hli Tim 1

Nyob rau Hnub 6 thiab Hnub 7, yog thaum tsim nyog tseb phau The Watchtower, koj kuj hais li no: “Wb kuj xav muab phau The Watchtower thiab Awake! lub hli no rau koj thiab. Phau The Watchtower teb lo lus nug tias, Vajtswv puas mob siab txog koj?”

Awake! Lub 8 Hli

Nyob rau Hnub 6 thiab Hnub 7, yog thaum tsim nyog tseb phau Awake!, koj kuj hais li no: “Wb kuj xav muab phau The Watchtower thiab Awake! lub hli no rau koj thiab. Phau Awake! teb lo lus nug tias, Yuav ua li cas tibneeg thiaj muaj kev sib haum xeeb?”