Muab “Yam Zoo” Pub Rau Tej Qhua (Mth. 12:35)

Peb txhua tus yeej xav muab tej “yam zoo” uas peb muaj pub rau lwm tus. Ib qho uas peb ua tau li no yog peb “ua siab dav txais qhua.” (Loos 12:13) Lub koom haum txhawb kom cov txwj laus ua cov ntaus thawj txais qhua. Thaum muaj ib tug kwvtij tuaj lwm lub koom txoos tuaj cev lus, lub koom txoos pab them nws nqe roj thiab coj nws mus so noj ib pluag mov. Tiamsis tej zaum peb txaj muag txais qhua vim peb ua neej tsis xws luag, lossis peb ntshai caw lwm tus tuaj hauv peb tsev. Txawm li ntawd los, yog peb nco ntsoov Yexus cov lus nws tau ntuas Matha ces yuav pab tau peb tsis ntshai txais qhua. (Lk. 10:39-42) Nws hais rau Matha tias thaum txais qhua, “yam uas zoo” yog qhov tham pem ua ke sib txhawb zog tsis yog npaj ntau yam zaub mov qab lossis teeb vaj teeb tsev kom zoo zoo nkauj. Yog peb ua li no ces peb yuav muab tau tej “yam zoo” uas peb muaj pub rau peb cov kwvtij raws li Vajtswv Txojlus tau hais.​—3Yh. 5-8.