Kub Siab Sib Txhawb Ua Tes Haujlwm Zoo

Henplais 10:24 hais tias: “Ua tib zoo [seb] yuav ua li cas ib leeg thiaj txhawb tau ib leeg lub zog kom sib hlub thiab ua haujlwm zoo.” Peb tus qauv zoo thiab tej lus peb hais txhawb tau peb cov kwvtij nkauj muam ua tej haujlwm zoo. Muab tej uas koj tau ntsib thiab pom thaum mus qhia Vajlugkub tham qhia lwm tus. Cia lwm tus pom qhov uas koj zoo siab xyiv fab teev tiam Yehauvas. Tiamsis tsis txhob muab koj tus kheej piv rau lwm tus, lossis muab lawv ib leeg piv rau ib leeg. (Klt. 6:4) Nrhiav kev los txhawb lwm tus kom “sib hlub thiab ua haujlwm zoo,” tsis yog kom txaj muag thiab ua haujlwm zoo. (Mus saib phau Ministry School, sab 158, nqe 4.) Yog peb txhawb lwm tus kom sib hlub ces yuav pab tau lawv ua tej haujlwm zoo uas yog pub rau luag thiab qhia Vajlugkub.​—2Khl. 1:24.