‘Kuv Nyob Ntawm No! Thov Txib Kuv Mus!’

Yaxaya tso tau ib tug qauv zoo kawg li rau sawvdaws xyaum. Thaum nws mus nws tsis paub xyov yuav zoo li cas los nws zoo siab hlo mus rau qhov nws muaj kev ntseeg. (Yxy. 6:8) Koj hloov puas tau koj lub neej xwv thiaj pab tau tej koog uas tsis muaj cov tshaj tawm coob? (Nt.Nk. 110:3) Yeej tsim nyog xam tej nuj nqe ua ntej tso, tiamsis zoo siab hlo muab tej yam tsis muaj nqes tso pov tseg xwv koj thiaj tau tshaj tawm txoj xov zoo. (Lk. 14:27, 28) Txawm peb tso tej ub tej no tseg los yeej tsis muaj nqes npaum li tej koob hmoov uas peb yuav pom hauv zaj yeeb yaj kiab Pab Tej Koog Uas Tsis Muaj Cov Tshaj Tawm Coob.​—Mth. 8:20; Mk. 10:28-30.

TOM QAB SAIB ZAJ YEEB YAJ KIAB TAS, TEB COV LUS NO:

• Tsev neeg Williams tau tso dabtsi tseg lawv thiaj tau mus tshaj tawm rau tebchaws Ecuador?

• Ua ntej lawv txiav txim siab mus lawv ua tib zoo xav txog dabtsi?

• Lawv tau txais koob hmoov dabtsi?

• Yuav mus nrhiav qhovtwg koj thiaj paub npaj mus pab tej koog uas tsis muaj cov tshaj tawm coob?

TEB COV LUS NO RAU HMO NEJ TSEV NEEG PE HAWM VAJTSWV UA KE:

• Peb tsev neeg yuav npaj mus ua Vajtswv tes num li cas ntxiv?

• Yog peb mus tsis tau lwm koog, peb kuj pab tau peb lub koom txoos li cas thiab? (w16.03-E 23-25)