Txoj Kevcai Hla Dhau tsis yog ua duab txog hmo ua kevcai nco txog Yexus. Tiamsis qee yam ntawm txoj Kevcai Hla Dhau tseem muaj nqes heev rau peb niaj hnub nimno. Xws li, cov Yixayee yuav tsum muab ib tug yaj tua es muab cov ntshav pleev ob tug npuab rooj thiab saum hau qhov rooj thiaj cawm tau lawv txojsia. (Kh.D. 12:12, 13) Tib yam li ntawd, Yexus cov ntshav kuj cawm tau noob neej txojsia thiab. Vim li ntawd, tus tubtxib Povlauj thiaj muab Yexus hu ua “tus menyuam yaj ua kevcai Hla Dhau.” (1Khl. 5:7) Tsis tas li ntawd xwb, tus yaj uas siv ua Kevcai Hla Dhau tej pob txha yuav tsis muab dam ib tug li. Yexus tej pob txha los kuj tsis dam ib tug li thiab.—Kh.D. 12:46; Yh. 19:31-33, 36.