VAJTSWV TEJ LUS NYIAJ LUS KUB | TUBTXIB TES HAUJLWM 1-3
Lub Koom Txoos Khixatia Tau Lub Hwj Huam Dawb Huv
Cov Yudai uas tuaj ua ke hauv Yeluxalees rau hnub Pheethekhoxate xyoo 33, feem coob yog cov uas tuaj lwm lub tebchaws tuaj. (Ttx. 2:9-11) Lawv yeej ib txwm coj raws li Mauxe Txoj Kevcai tiamsis tsuas yog loj hlob txawv tebchaws xwb. (Ylm. 44:1) Vim li ntawd, txawm lawv yog neeg Yudai los lawv yeej hnav tsoos tsho thiab hais lus li lub tebchaws ntawd. Ces thaum 3,000 leej los ua kevcai raus dej, lub koom txoos Khixatia thiaj muaj ntau hom neeg los ntseeg lawm. Txawm nyias tuaj nyias ib lub tebchaws tuaj los, lawv yeej “niaj hnub tuaj nyob ua ke thooj ib lub siab hauv lub tuam tsev.”—Ttx. 2:46.
Koj yuav ua li cas qhia tias koj xav paub . . .
cov uas tuaj lwm lub tebchaws tuaj hauv koj koog?
cov kwvtij nkauj muam uas tuaj lwm lub tebchaws tuaj hauv koj lub koom txoos?