Siv Tej Yeeb Yaj Kiab Thaum Qhia Cov Kawm

Tibneeg yuav nco ntsoov thiab nkag siab dua yog tias lawv pom ntawm qhov muag. Vim li no, Yehauvas thiaj siv tej uas tibneeg qhov muag pom los qhia txog tej yam tseem ceeb. (Ch.K. 15:5; Ylm. 18:1-6) Yexus twb yog tus xibhwb uas txawj qhia tshaj plaws los, nws kuj nyiam siv tej uas neeg qhov muag pom los ua piv txwv qhia thiab. (Mth. 18:2-6; 22:19-21) Ib yam li ntawd, tej yeeb yaj kiab tau pab coob leej ntau tus los paub Yehauvas. Ua li koj puas siv los tso rau cov kawm saib thiab?

Thaum peb qhia phau Vajtswv Muaj Xov Zoo Rau Peb!, peb siv tau 10 zaj yeeb yaj kiab los qhia cov kawm. Cov yeeb yaj kiab no yuav teb cov lus nug uas nyob hauv tej zaj kawm. Yog koj siv lub twj ntawm tes los qhia phau ntawv no, koj nias tau zaj yeeb yaj kiab hauv zaj kawm ntawd. Tsis tas li ntawd xwb, kuj muaj tej zaj yeeb yaj kiab rau tej ntaub ntawv hauv Cov Twj Mus Ua Vajtswv Tes Num thiab.

Thaum koj qhia tus kawm, puas muaj tej yam uas nws tsis nkag siab? Lossis nws tabtom nyuaj siab? Mus nrhiav hauv lub vej xaij lossis Yehauvas Cov Timkhawv Tshooj T.V. seb zaj yeeb yaj kiab twg yuav pab tau nws. Tej zaum yuav zoo rau neb saib ua ke thiab tham txog lub ntsiab ntawd.

Txhua lub hlis, yeej muaj ib zaj yeeb yaj kiab uas tawm tshiab. Thaum koj saib cov yeeb yaj kiab no, xav seb koj yuav siv mus qhia lwm tus li cas.