Koj Puas Qee Tau Sijhawm Mus Pab?

Yaxayas tau faj lem hais tias Yehauvas lub koom haum yuav huam vam coob zuj zus tuaj. (Yaxayas 54:2) Yog li ntawd, peb thiaj yuav tau txua ntau lub tsev tshiab ntxiv, xws li tej tsev sib txoos, tej rooj sib txoos, thiab tej tsev Npe-ee. Tom qab ua tej tsev ntawd tag, peb yuav tau niaj zaus tu ntshis lossis kho dua tshiab. Peb nqis tes mus pab tau li no:

• Thaum txog lub caij peb pawg mus qhia Vajlugkub tu lub tsev tuaj sib txoos, peb yuav tau nqis tes los sib pab tu

• Peb qee tau sijhawm mus kawm kom txawj kho thiab tu lub tsev sib txoos

• Peb rau tau npe hauv daim ntawv ua lus Askiv Local Design/​Construction Volunteer Application (DC-50), mus pab txua, kho lossis tu tej tsev pe hawm Yehauvas hauv peb thaj tsam

• Peb rau tau npe hauv daim ntawv ua lus Askiv Application for Volunteer Program (A-19), mus pab ua haujlwm ntev li ib lub lim tiam los yog ntev tshaj ntawd hauv peb ceg Npe-ee lossis lwm ceg

SAIB IB VUAG ZAJ YEEB YAJ KIAB TXUA VAJ TSE TSHIAB, TOM QAB NTAWD TEB COV LUS NUG NO:

• Txij xyoo 2014 los, lub koom haum puas siv yeeb yaj kiab ntau dua qhov qub?

• Lub koom haum npaj siab yuav txua dabtsi kom thiaj muaj tau tej yeeb yaj kiab tshiab, thiab yuav siv sijhawm hov ntev los ua thiaj tiav?

• Cov uas xav tuaj pab yuav mus ua tes haujlwm twg?

• Ua cas zoo rau peb nqis tes pab Chav Tsim Tsa Thiab Kho Tsev thiab rau npe rau daim ntawv (DC-50), yog tias peb xav mus pab ua tsev hauv lub zos Lamapos (Ramapo)?

• Ua cas peb thiaj paub tias Yehauvas yog tus coj tes haujlwm no?

• Yog tias peb mus pab tsis tau hauv Lamapos, peb haj tseem pab tau li cas?