LUB NEEJ KHIXATIA
Thaum Peb Txhawb Nqa Yehauvas Txojkev Qhuab Ntuas Thiaj Yog Peb Muaj Kev Hlub
Txojkev rho tawm yog los tiv thaiv lub koom txoos thiab pab tus uas raug rho tawm. (1 Kauleethaus 5:6, 11) Yeej mob cov txwj laus thiab tsev neeg ntawd siab kawg nkaus li thaum ib tug raug rho tawm. Tiamsis thaum Yehauvas muab ib tug rho tawm, peb puas txhawb nqa Nws?
Thaum peb tsis mus thuv tus uas raug rho tawm, twb yog peb txhawb nqa Yehauvas lub koob lub npe thiab Yehauvas txojkev dawb huv xwb. (1 Petus 1:14-16) Yog rho nws tawm, yuav pab nws tig rov los ua zoo. (Henplais 12:5, 6, 11) Tab txwm yuav mob peb siab npaum li cas los tsis txhob mus thuv nws thiaj tsis cuam tshuam Yehauvas txojkev qhuab ntuas nws. Nco ntsoov tias Yehauvas yeej tsis rau txim hnyav tshaj li tsim nyog. (Yelemis 30:11) Cia peb rau siab ntso txhawb nqa thiab pe hawm Yehauvas. Nyaj muaj ib hnub twg tus raug rho tawm yuav tig rov los nrog peb pe hawm Yehauvas dua.—Yaxayas 1:16-18; 55:7.
SAIB ZAJ YEEB YAJ KIAB TXHAWB NQA YEHAUVAS TAG SIAB NRHO, TOM QAB NTAWD NUG LI NO:
Yuav mob niam thiab txiv siab npaum li cas thaum ib tug menyuam tso Yehauvas tseg lawm?
Cov ntseeg muaj peevxwm cev tes los pab tau lawv tsev neeg li cas?
Zaj twg nyob hauv phau Vajlugkub pab tau peb muab Yehauvas ua thawj yam hauv lub cuab lub yig?
Peb yuav ua li cas qhia tias Yehauvas yog thawj yam hauv lub cuab lub yig?