LUB NEEJ KHIXATIA
Cov Niam Txiv Cia Li Tsav Tswvyim Rau Nej Cov Menyuam
Peb nyob sib xyaws pis daws nrog cov neeg uas muab qhov phem ntxeev ua qhov zoo thiab muab qhov zoo ntxeev ua qhov phem. (Yaxayas 5:20) Lawv lub siab chib lig kais rau qhov phem, xws li txivneej deev txivneej lossis pojniam deev pojniam. Cov niam cov txiv, kav tsij npaj nej tej tub tej ntxhais lub siab lub ntsws kom luag thiaj yaum tsis tau lawv mus coj tej cwjpwm no.
Cob qhia nej tej metub menyuam txog Yehauvas tej kev lig kevcai kom zoo zoo. (Levis Kevcai 18:3) Ntsuas nej tus menyuam lub hnub nyoog qhia txog txojke nrog lwm tus pw ua niam txiv. (2 Kevcai 6:7) Nej puas tau xav dua li no: ‘Kuv cov menyuam puas nyiam nrog luag sib tawb sib zeg? Lawv tej tsoos puas raug ntsej muag? Lawv puas txawj teb yog luag ua dhau cai? Lawv yuav ua li cas yog luag tej muab tej duab liab qab rau lawv saib? Lawv yuav ua li cas yog lwm tus ntxias kom lawv hla Yehauvas tej kevcai?’ Nco ntsoov npaj nej cov menyuam lub siab lub ntsws, lawv thiaj paub ceev faj. (Pajlug 27:12; Tej Lus Qhia 7:12) Txhob cia nej cov menyuam ua txhaum es mam xav txog lig. Kav tsij qhia lawv cheem tseem tsis tau muaj xwm los raug thiaj yog nej hlub nej cov menyuam.—Phau Ntawv Nkauj 127:3.
SAIB ZAJ YEEB YAJ KIAB TSA LUB TSEV KHOV KHO—TIV THAIV MENYUAM NTAWM “QHOV UAS PHEM,” TOM QAB SAIB TAG NUG LI NO:
Ua cas cov niam cov txiv ho txaj muag qhia menyuam txog txojke pw ua niam txiv?
Vim li cas ho yog cov niam txiv lub luag haujlwm cob qhia tej metub menyuam “raws li Vajtswv Txojlus qhia”?—Efexus 6:4
Yim huab paub yim huab zoo
Yehauvas lub koom haum tau npaj dabtsi rau cov niam txiv siv los cob qhia lawv tej metub menyuam txog txojke pw ua niam txiv?—w19.05 12, lub ntsiab me
Vim li cas cov niam cov txiv yuav tsum nco ntsoov qhia lawv tej metub menyuam ua ntej muaj xwm?